Өз қалаңды таңда: X
Намаз уақыты:
  • Таң 07:24
  • Күн 09:01
  • Бесін 13:12
  • Екінті 15:26
  • Шам 17:12
  • Құптан 18:49
  • 11
  • желтоқсан

    сәрсенбі

  • 13
  • Раби́’у с-сани

    1441

Кітаптар

МАЗМҰНЫ

МАЗМҰНЫ
Алғы сөз
Кіріспе
§1 ДӘСТҮР ТУРАЛЫ ТҮСІНІК
Әрбір халықтың әдет-ғұрпы бар
Дәстүрді теріске шығару – адасушылық
§2 ДӘСТҮРДІҢ ДІНДЕГІ ОРНЫ
Терминдерге түсініктеме
Ғұрыпты дәлел ретінде қарастыру
Ғұрыптың шариғаттағы шарттары
Әдет-ғұрып – төреші
Ижма және ғұрыптың айырмашылығы
Әдет-ғұрыптың өзгеруіне байланысты пәтуаның өзгеруі
Дәстүр мен діннің айырмасы
Дәстүрдің озығы бар, тозығы бар
Теріс әдеттер
§3 ҚАЗАҚ ХАЛҚЫНЫҢ ИМАНИ ДӘСТҮРЛЕРІ
Ұлттық сана
Құдай Тағала туралы таным
Тәңірден тіле тілекті
Тағдырға сенім
Құдайдан қорықпағаннан қорық
Пайғамбарға (с.а.с.) құрмет
Білімдіге, ұстазға құрмет
Діни рәсімдерге құрмет
Ихсан иелері
Отан туралы
Ар-ұят – иманнан
Дінді білмеген дымды білмейді
Қонақжайлылық – қазақы қасиет
Ансарлықтың қонақ күтуі
Дастархан әдептері
Оң жақты жақсы көру
Әдептілік, сыпайылық
Ержүректік
Қарапайымдылық
Еңбек етсең емерсің
Ерте тұру – құт-береке нышаны
Жақсылыққа ұмтылу
Тәуекел түбі жел қайық
§4 ИМАНИ ҚАРЫМ-ҚАТЫНАС
Сәлем – сөздің анасы
Ата-ананы құрметтеу
Ынтымақ-бірлік
Алғыс айту
Тарту − татулық белгісі
Бауырмалдық
Туыстық байланыс
Көрші ақысы
Сыйластық
Дос-жаран
Нағашы-жиен
Үлкенге құрмет, кішіге ізет
Тілеуқорлық
Имам Ағзамның әкесінің Әлиден (р.а.) бата алуы
§5 ТІЛДЕГІ АЙҒАҚТАР
Діни сенімге дәлел сөздер
Пайдаланылған әдебиет

Дін мен дәстүр

Әлхамдулилла, ата-бабамыз сан ғасырлардан бері аңсап өткен тәуелсіздікке қол жеткізудің арқасында асыл дініміздің қайнар бұлақтарымен қайта қауышып жатырмыз. Халқымыз дербестікпен бірге дәстүрлі мәдениетіне, тілі мен дініне толыққанды ие болып, оларды заманға сай дамытуға мүмкіндік алды. Өшкеніміз жанып, ұмытқанымыз жадымызда жаңғырды. Мұның барлығы Қазақ елінің ұстанған бағыт-бағдарының дұрыстығын, ата-баба жолынан айнымағандығын білдіреді.

Енді ұлт жадынан ұмытыла бастаған имани құндылықтарды қайта жандандырудың реті келді. Бұл тұрғыда біз қазақ қоғамына тыңнан жаңа дүние әкеліп жапсырып жатқан жоқпыз. Бар болғаны кезінде баһадүр бабаларымыз салып кеткен, кейіннен көмескі тарта бастаған соқпақтың сүлдерін тауып, соны қайтадан сара жолға айналдыруға тырысудамыз. Мақсатымыз – ұлттық табиғатымызбен сабақтас шариғаттағы мазһабымыз бен танымдық мектебімізді тұғырлап, асыл дүниелерімізді, жауһарларымызды жарыққа шығару, үзілгенімізді жалғап, жоғалтқанымызды түгендеу, сан ғасырлық тарихы бар діни дәстүрлерімізді қалпына келтіру. Сол арқылы қазақтың толыққанды ұлтқа, Алаштың іргелі елге айналуы үшін қолдан келгенше үлес қосу.

Дін мұраттарын қалың бұқараға ұғынықты етіп жеткізу үшін де алдымен қазақтың тілі мен тарихын, мәдениеті мен әдебиетін жетік білу қажет. Имамдар мен уағызшыларымызға осындай талап қойылады. Сонымен қатар, ұлттық таным мен әдет- ғұрыптардың мұсылманшылықпен сабақтастығын саралап көрсететін сүбелі еңбектер де жазылуы керек. Қолыңыздағы кітап сондай игі бастаманың жемісі. Мұнда қазақы әдет-ғұрыптардың басым бөлігінің имани ұстанымнан алынғандығы, дәстүр мен діннің біте қайнасып бөлінбес дүниеге айналғандығы туралы әңгімеленеді. Халқымыздың мұсылман үмбетінің бір мүшесі екендігі нақтыланады. Енді осы игі бастаманың жалғасын табарына үміт етеміз.

Жаратқан Жаббар Хақтан Алаш жұртын іргелі ел етіп, ынтымақ-бірлігі мен имандылығын арттыруын сұраймыз.

Қазақстан мұсылмандары діни басқармасының төрағасы,
Бас мүфти Ержан қажы Малғажыұлы


Бұл бөлімде, Қазақстан мұсылмандары діни басқармасының сараптама бөлімі мақұлдаған кітаптар мен кітапшалар орналастырылған.